موضوع: دخلو تكتاشفو الجديد الجمعة أبريل 17, 2009 5:32 am
أهلا بيكم ااخواني الاعزاء..كنتمنى تكونوا في أحسن الأحوال.. من شحال هادي وأنا كنجمع في هاد الوصفات كل ما نطيب شي وصفة و يكون فيها الروز نصورها و اليوم عااااد حان الله على هاد الملف و خرجتلوا وقيتة باش نحطوا في المنتدى هههه. هي وصفات متنوعة منها من المطبخ المغربي و منها من المطبخ العالمي طبعا مع بعض الإضافات و الزيادات و الإختراعات من راسي هههه على بركة الله غادي نبدأ...و كنتمنى هاد شي يعجبكم و انفيدكم و لو بفكرة بسيطة..
هنا البطل ديال المسلسل و هو {الروز} طبعا كلنا كنعرفوا فوائده الغنية و حضوره الدائم في المطابخ ديالنا و تنويره و تشريفه لموائدنا.
(شفتوا الأسلوب المكركب على راسو هههههه بلا ما تظحكوا عليا أوكي)
باسم الله ماشاء الله أبدأ...
الروز بالدجاج و الأنناس
في مقلاة كنعمل صدر الدجاج يتقلا في شوية ديال الزيت ثم كنزيد عليه البصل والشامبيون و الفلفل أخضر و احمر.ثم الملح و الابزار و التحميرة و معلق ديال السكر (الوصفة هادي حلوة)حين يقرب يطيب كنزيدو عليك معلق ديال الكاتشوب.
كنشحر الروز مزيان في الزبدة و نزيد عليه الربيع و الملح و دامة ديال البنة و الماء باش يطيب
كنعسل الأنناس في مقلة مدهونة بالزبدة و كنرش عليه القرفة و السكر حتى يتعسل
تم نعملوه في الطبق الاساسي للتقديم وبالصحة والراحة