رجل أعمال مغربي يتصل بصديقه الوزير من أجل أن يجد عملا لآبنه: ـ ولدي قهرني موسيو لو مينيستر.. مازال ماكمل قرايتو.. مابغاش يخدم.. النهار و ماطال و هو يدور معا صحابو، ماكين غير الشراب و القصاير ماعرفت ما ندير معاه. واش ماتقدرش تلقى ليه شي خدمة ف الوزارة نتاعكم؟ ـ ماكاين حتا شي مشكل، غادي نعينو مساعد مدير و نديرو ليه أجرة ديال 5 مليون ـ لا سعادة الوزير، بغيتو يدير شي خدمة لي تعلمو القيمة ديال الخدمة الأجرة ـ ماشي مشكل! نعينو رئيس قسم و نعطيوه 2مليون و نص فالشهر! آش بان ليك؟ ـ بزاف أ سعادة الوزير، بغيتو إلا خدم يعرف باللي يستاهل ديك الأجرة ديالو ـ همم.. رئيس مصلحة؟ و يولي يشد 9000 درهم؟ ـ بزاف عليه.. أنا فالحقيقة بغيتو غير موظف بالسلم 5 ويشد السميگ ـ آ.. سمح ليا بزاف مون أمي، مانقدر ندير ليه والو فهاد الحالة ـ علاش سعادة الوزير؟ ـ فهاد النوع من الوظائف خاصو لابدا دبلوم!!!